Shkëndija e Tetovës është mposhtur me rezultat 5-1 nga Qarabagu sonte në ndeshjen e kthimit në Baku, e vlefshme për raundin e tretë kualifikues për Ligën e Kampionëve.

Rezultati i përgjithshëm nga dy ndeshjet ishte 6-1 në të mirë të azerëve, të cilët edhe siguruan play-offin e Ligës së Kampionëve, shkruan Arbresh.info.

Pas ndeshjes trajneri tetovar i uroi Qarabagut për triumfin dhe theksoi se ishin skuadër më e mirë.

“Urime Qarabagut, e merituan fitoren dhe ishin dukshëm më të mirë. Nuk kam shumë për të thënë pas humbjes 5-1. Luajtëm keq në pjesën e parë. Do të bëjmë analizën nesër dhe do të fillojmë përgatitjet për play-offin e Ligës së Evropës. Patëm probleme fizike dhe taktike, pranuam gola të hershëm dhe intensiteti i lojës ishte shumë i lartë. Nuk e prisnim një rezultat të tillë, por duhet të nxjerrim mësime,”<span;> tha Beqiri.

Në play-off të Ligës së Evropës, Shkëndija do të përballet me humbësin e çiftit mes Ludogoretsit (Bullgari) dhe Ferencvaroshit (Hungari).