Trajneri i Paris Saint- Germainit, Laurent Blanc ka insistuar se ekipi i tij nuk duhet të fokusohet vetëm në Lionel Messin në ndeshjen që Parisi e zhvillon ndaj Barcelonës në kuadër të çerekfinales së Ligës së Kampionëve.

Blanc ka pranuar se “Messi është i pandashëm”, por ka pohuar se klubi francez duhet të zhvillojë një ndeshje të jashtëzakonshme për tu kualifikuar në gjysmëfinale.

“Lionel Messi është i pandashëm. Nëse ai shënon 40 gola do të thotë se ka pasur sezon të keq! Por ne nuk mund të fokusohemi vetëm në të. Zgjidhja duhet të jetë kolektive, ruajtja e një lojtari nuk na kryen punë”, ka thënë Blanc.

“Ne duhet të jemi agresivë në mbrojtje, por në kuptim të mirë. Duhet të jemi në gjendje t’i ndalim sulmuesit e tyre”.

Paris Saint Germain e pret nesër Barcelonën në ndeshjen e parë të çerekfinales.