Trajnerët legjendarë, Sir Alex Ferguson dhe Arsene Wenger janë përfshirë sot në “Premier League Hall of Fame”.

Dyshja e krijoi një trashëgimi të jashtëzakonshme në Manchester United dhe Arsenal, duke i fituar së bashku 16 tituj të Premierligës, ndërsa e formuan njërin prej rivaliteteve më të mëdha në histori të ligës.

“The Hall of Fame” i njeh dhe i nderon mbi të gjitha individët që arrijnë rekorde apo suksese dhe që kanë dhënë kontribut domethënës në Premierligë që nga viti 1992.

Ky është nderi dhe çmimi më i madh individual nga liga elitare angleze.

Ferguson ka qenë trajneri më i suksesshëm në histori të Premierligës, me 13 tituj kampioni gjatë 27 vjetëve të kaluar në “Old Trafford”./GE/