Tifozët ofendojnë rëndë Piquen, tension në Spanjë

23:29 | 2 Tetor 2017
Trina Galanxhi

Tashmë të gjithë po presin ndeshjen e Shqipërisë kundër Spanjës por mesa duket atje gjendja vazhdon të jetë e rënduar.

Stërvitja po zhvillohet në Madrid dhe në seancën e vetme zhvilluar dje, me dyer të hapura në Las Rozas tifozët kanë shënjestruar Zherard Pikenë.

Mbrojtësi i Barcelonës është mjaft aktiv kur bëhet fjalë për të mbështetur kërkesën për pavarësi të Katalunjës dhe për këtë kritikohet ashpër, edhe pse luan për kombëtaren spanjolle shkruan Sport Ekspress.

Sa herë prekte topin, tifozët brohorisnin kundër tij, me shprehje të rënda, si ajo “Piqué, cabrón, España es tú nación” (“Pike, idiot, Spanja është kombi yt”), apo “fuera, fuera!”, për të lënë kombëtaren. Një tjetër parullë u hoq nga policia, sepse shkruhej “Pike, je për të vjellë”.