Derby della Madonnina është një nga ndeshjet me historinë më të lavdishme në Serie A.Sidoqoftë, kjo ndeshje e veçantë do të jetë edhe më interesante për Milan dhe Inter pasi ata kërkojnë t’i japin fund magjisë së nëntë viteve të dominimit të Juventus në këtë edicion në Serie A, shkruan GazetaBlic.AC Milan u largua nga vendi i parë nga Inter në fundjavën e kaluar pasi Rossonerët pësuan një humbje tronditëse 2-0 ndaj Spezia. Stefano Pioli do të kërkojë të bëjë disa ndryshime në strukturën e tij mbrojtëse pas paraqitjes së dobët të ekipit të tij përsëri në ndeshjen e mesjavës në Europa League, kur ata barazuan me rezultat 2 me 2 në Beograd.

Milan tashmë ka humbur 3 ndeshje në Serie A në vitin 2021, një më shumë se sa bëri në tërësinë e vitit 2020. Dhe ata do të kërkojnë të rikthejnë pozicionin e tyre përsëri në krye me një fitore kundër rivalëve të tyre më të ashpër në futbollin italian.Ndërkohë, Inter, kaloi në krye të renditjes së Serie A fundjavën e kaluar, me një fitore 3-1 ndaj rivalëve Lazio.