Interi e ka nisur mbarë sezonin e ri në Ligën e Kampionëve, duke fituar me rezultat 0-2 në udhëtim tek Ajaxi.

Heroi i zikaltërve ishte Marcus Thuram i cili realizoi dy golat, shkruan Arbresh.info.

Por para se të shënonte Thuram, Ajaxi pati mundësi të artë shënimi ku minutën e 40-të, Godts doli përballë portierit Yann Sommer, por zvicerani bëri një pritje të mrekullueshme duke mbajtur portën e paprekur.

Vetëm dy minuta më vonë, francezi Thuram shënoi për 0-1 me një goditje të bukur me kokë, pas një asistimi nga Calhanoglu.

Kjo dyshe ishte protagoniste edhe në golin e dytë, ku në minutën e 47-të, Thuram shënoi sërish, ndërsa turku asistoi.

Deri në fund gola tjerë nuk pati dhe Interi arkëtoi tre pikët e para në këtë edicion.

Ndeshjen e ardhshme Interi e zhvillon në shtëpi ndaj Slavia Pragës, derisa Ajaxi do të përballet me Olympique Marseillen në udhëtim./Arbresh.info