Thomas Tuchel ngurron t’i vendos presion Kylian Mbappes para ndeshjes së Paris Saint Germianit në xhiron e 1/8-ës në Ligë të Kampionëve kundër Manchester United.

Tifozët e kampionit francez kanë kthyer të gjithë shpresat te Mbappe pasi Neymari do të jetë jashtë fushës në dy ndeshjet, transmeton portali arbresh.info. Por, Tuchel nuk dëshiron që talenti i ri të ketë të gjitha përgjegjësitë e brazilianit.

“Unë zakonisht preferoj që Kyliani të jetë finalizues kur ai është në linjën e fundit të sulmit kundër mbrojtjes së kundërshtarëve”, ka thënë Tuchel. “Ai është jashtëzakonisht i rrezikshëm për shkak të shpejtësisë së tij dhe dëshirës për të shënuar gola”

“Nuk dua që ai të marrë përgjegjësit e Neymarit për të krijuar asistime dhe për të vazhduar presionin në zonën e tyre”

“Ne kemi lojtar që janë në gjendje të bëjnë këtë, lojtar që mund të mbështesin Kylianin dhe Edi Cavanin dhe t’i ofrojnë atyre pasimin e duhur”

“Dy sulmuesit duhet të jenë finalizues, kjo është gjëja më e rëndësishme”

PSG do të përballet me skuadrën e Villefranches për Kupë të Francës dhe me Bordeauxin në ligë para ndeshjes në Old Trafford më 12 shkurt./arbresh.info/