Drejtori i Lazio-s, Igli Tare konfirmon se klubi po ‘punon’ me largimet në mënyrë që ata të lejohen të sjellin lojtarë të rinj, ndërsa refuzoi sugjerimet se ata po luftojnë me Atalantën për një përfundim në top katërshe.

Tare u pyet nëse Biancocelesti luftojnë me Atalantën për një vend në Ligën e Kampionëve.

“Lazio nuk po ndjek kundërshtarët, ne duhet të fokusohemi te vetja”, tha drejtori i sportit të Lazios për Sky Sport Italia.

“Është një fushatë me një mijë vështirësi, kështu që është thelbësore që të mos shikojmë shumë larg në të ardhmen, përkundrazi ta marrim atë një ditë në një kohë dhe në disa muaj pastaj të shohim se ku jemi në tabelë”, shtoi ai.

Maurizio Sarri konfirmoi se Lazio nuk është në gjendje të sjellë aktualisht asnjë lojtar, qoftë edhe në huazim apo si transferta të lira, për shkak të indeksit të likuiditetit.

Ishte tashmë një problem gjatë verës dhe u zgjidh vetëm në minutën e fundit nga Presidenti Claudio Lotito duke rritur kapitalin me 10 milionë euro nga paratë e tij.

“Po punohet për zhbllokimin e indeksit të likuiditetit, sepse ka disa mundësi. Fatkeqësisht gjërat mund të ndryshojnë nga dita në ditë, herë pozitivisht, herë negativisht”, u përgjigj Tare.

“Ka besim dhe nëse mund të bëjmë atë që planifikojmë, mund ta ndihmojmë trajnerin të përforcojë skuadrën. Nuk janë vetëm shitje, por edhe dërgimi i disa lojtarëve në huazim për të shkuar diku tjetër”, përfundoi ai.