Drejtori sportiv i Lazios, Igli Tare, ka deklaruar se është i zhgënjyer me futbollistin holandez, Stefan de Vrij.

Mbrojtësi holandez ka refuzuar kontratën e fundit nga klubi romak dhe ka bërë të ditur se fund të sezonit do të largohet.

Tare ka akuauar holandezin për mungesë të profesionalizimit dhe se është një nga dështimet e tij të pakta në Lazio, si drejtor, shkruan arbresh.info.

“Me De Vrij nuk duhet të kishim shkuar në këtë situatë, por treguam më shumë besim se sa duhet dhe gjatë bisedave tona, nuk u mbajtën shumë premtime. Lazio pati një rol të rëndësishëm në rilançimin e De Vrij, por holandezi nuk u tregua aspak mirënjohës në këtë rast. Gjithsesi, ne kemi besim në profesionalizmin e tij, në ndeshjet e mbetura të sezonit”, u shpreh Igli Tare.