Sylvniho flet për kontratën me Shqipërinë: Ndihem shumë mirë këtu

Albania's Brazilian head coach Sylvinho celebrates the qualification after the UEFA Euro 2024 Group E qualifying football match between Moldova and Albania in Chisinau on November 17, 2023. (Photo by Elena COVALENCO / AFP) (Photo by ELENA COVALENCO/AFP via Getty Images)

07:39 | 9 Dhjetor 2023
K.B

Trajneri i kombëtares së Shqipërisë, Sylvinho, ka folur mbi kontratën që ai ka me kuqezinjtë, duke thënë se s’ka firmosur ende asgjë por nuk ndihet i shqetësuar.

Sylvinho tha se aktualisht ka kontratë me Shqipërinë deri në përfundim të Evropianit dhe së bashku me stafin këto ditë janë marrë kryesisht me shortin.

“Ne duhet të shfrytëzojmë këto 6 muaj për të rikuperuar forcat duke nisur nga janari për të punuar fort për të bërë diçka më shumë, kështu që për gjërat e tjera nuk jam i shqetësuar për asgjë”, tha Sylvinho në një intervistë për “Neës24”.

Ai më tej është shprehur i gatshëm për të qëndruar më gjatë në Shqipërinë, pasi tha se ndihet mirë me kombëtaren.

“Jemi duke bërë një punë të mirë, e dimë që kemi edhe besimin e futbollistëve, një raport të mirë me federatën, me gjithë njerëzit, jetojmë këtu në Tiranë, kështu që nuk kemi asnjë problem”, tha ai.