Shqipëria mbrëmë triumfoi me rezultat minimal ndaj Letonisë në ndeshjen e vlefshme për kualifikim në Kampionat Botëror.

Golin e vetëm e realizoi Kristjan Asllani nga penalltia, shkruan Arbresh.info.

Pas ndeshjes trajneri Sylvinho, këtë ndeshje e cilësoi të vështirë, si dhe foli për sfidën e radhës ndaj Serbisë.

“Luajtëm një ndeshje të vështirë. Letonia është kundërshtar i vështirë dhe i fortë, që nëse nuk i shënon golin e dytë, rrezikon shumë”

“Shqipëria fituese në Serbi? Për ne është e rëndësishme të qëndrojmë në garë. Ndeshja e radhës është me shumë rëndësi. Jam krenar për të gjithë lojtarët e mi”

“Asllani më i qetë, pasi ndërroi skuadër? Po, mund të jetë pak më i qetë tani”, theksoi Sylvinho për SuperSport.

Sfidën e radhës kuqezinjtë do ta luajnë në Beograd me 11 tetor ndaj Serbisë./Arbresh.info