Luis Suarez ishte i destinuar të kalonte te Juventusi  në vitin 2012, por Liverpooli reagoi më shpejtë n atë kohë, thotë Brendan Rodgers.

Uruguaiani  pastaj u largua nga Liverpooli për të kaluar te Barcelona për 81 milionë euro në verën e viti 2014.

“Mendoj se te Liverpool, mund të llogaritësh gjithmonë te lojtarët kryesor, pasi je në një klub ikonë, një institucion botëror”.

“Kur shkova fillimisht aty, Luis ishte i destinuar të kalonte te Juventusi, por ne shkuam dhe biseduam me të, duke i thënë se skuadra do të ndërtohej përreth tij dhe se besojnë në kualitet që ai i ka”.

“Në sezonin e dytë, kishin rivalitetin që vinte nga Arsenali”.

“Pastaj ai vazhdoi të ketë sezone të mira dhe ne e dinim që pas atij sezoni të hatashëm që kishte, nuk do të mund ta mbanim më”, ka thënë ish-trajneri i Liverpoolit, Brendan Rodgers.

Suarez kishte kaluar te Liverpooli në afatin kalimtar të janarit, ndërsa Juventusi ishte i interesuar që ta merrte gjatë verës.