Ish- treshja e Barcelonës, Lionel Messi, Sergio Busquets dhe Luis Suarez duken sikur do të ribashkohen në Major League Soccer, me Inter Miami që kërkon të transferoj edhe sulmuesin.

Messi dhe Busquets janë tashmë atje sigurisht, dhe morën pjesë në seancën e tyre të parë stërvitore të martën me skuadrën e Interit.

Ndërkohë agjenti i lirë Jordi Alba gjithashtu mendohet se është në prag të nënshkrimit në Florida të Jugut.

Megjithatë, raportet për Luis Suarezin ishin relativisht të heshtura.

Supozohet se uruguaiani po mendonte të pensionohej në Gremio në Brazil për shkak të problemeve të vazhdueshme të gjurit, por tani duket sikur ai do të shkojë në veri për t’u bashkuar me dy miqtë e tij dhe ish-shokët e skuadrës.

Gaston Edul i TyC Sports dha lajmin, por që atëherë është konfirmuar nga Relevo se Suarez është në prag të nënshkrimit për Inter Miami.

Suarez ka ende 18 muaj të mbetur në marrëveshjen e tij me Gremio, ku ai ka shënuar 13 gola deri më tani, dhe nuk është e qartë nëse Inter Miami do të paguajë një tarifë për të./Arbresh.info/