Manchester City ka marr një fitore të rëndësishme ndaj Wolvesit në frymën e fundit me rezultat 1-2, në kuadër të xhiros së tetë në Premier League.

City nuk e nisi ndeshjen aspak mirë duke pësuar gol në minutën e shtatë, ku realizoi Larsen, shkruan Arbresh.info.

Mirëpo, pas golit të drejtuarit e Guardiolas reaguan dhe në minutën e 33-të, barazuan me anë të Gvardiolit.

Pjesa e parë përfundoi me këtë rezultat.

Teksa, kampionët në fuqi vazhduan iniciativën edhe në pjesën e dytë, kur shpërblimin e gjetën në minutën e pestë shtesë.

Heroi i Cityt ishte John Stones i cili realizoi gol për t’i dhënë fitoren e radhës skuadrës së tij dhe për ta bërë lider së paku për dy orë të tjera, derisa Liverpool ta zhvillojë takimin e radhës.

Stones e nxjerri nga “lloçi” skuadrën e tij për herë të dytë këtë sezon, pas atij goli me Arsenalin në sekondat e fundit.

Pas tetë xhirosh Manchester City ka 20 pikë, dy më shumë se Liverpooli, që pas pak luan ndaj Chelseas.

Ndeshjen e radhës City e luan ndaj Sothampton, kurse Wolves përballet me Brightonit./Arbresh.info