Juventusi arriti fitore me rezultat 2-0 në ndeshjen e Kupës së Italisë ndaj Udineses.

Në këtë ndeshje pati minuta edhe për futbollistin dardan, Edon Zhegrova, shkruan Arbresh.info.

Ai u inkuadrua në lojë në minutën e 84-t, në vend të Kenan Yildizit. Për aq minuta sa luajti ylli kosovar pati performancë të mirë e cila i ra në sy edhe trajnerit Luciano Spalletti.

“Jam i kënaqur me performancën e Zhegrovës; ai ka qenë jashtë loje për një kohë të gjatë, ndoshta meritonte më shumë hapësirë. Gjithashtu u kënaqa kur e pashë duke ndjekur topin në zonën tonë të penalltisë”.

“Ai është një tel i fuqishëm që gjithmonë mund të të frikësojë. Ai e sheh mundësinë për të pasuar kur të tjerët shohin një mur”, përfundoi italiani.

Ndeshja e radhës e Juventusit është ndaj Napolit në fundjavë, dhe nëse Zhegrova inkuadrohet atëherë do të ketë një përballje dardane mes tij dhe Amir Rrahmanit.

Sfida Napoli – Juventus zhvillohet të dielën me 7 dhjetor me fillim nga ora 20:45./Arbresh.info