Mosmarrëveshja mes Iscos dhe Santiago Solarit ka marrë një kthesë tjetër të shtunën mbrëma, pasi trajneri i Real Madridit e kritikoi mesfushorin spanjoll se nuk i përmbush kushtet për të luajtur.

Solari ka zbuluar se nuk po e aktivizon Iscon për shkak se ky i fundit nuk është në gjendjen e duhur fizike për të luajtur.

Isco e humbi vendin në ekipin e Real Madridit që prej se Solari erdhi në krye të skuadrës. Trajneri argjentinas tani e ka pranuar haptazi se Isco nuk po luan sepse nuk është në formën e duhur fizike.

“Çështjet disiplinore rregullohen në mënyrë të brendshme”, tha Solari i pyetur përse Isco kishte refuzuar të hipte në autobusin e ekipin së fundmi.

“Për të luajtur duhet të jesh në formën e duhur fizike së parim, e pastaj duhet ta ruash formën”, shtoi ai.