Një skandal i madh ka ndodhur në kryeqytetin e Spanjës, Madridin me futbollistët e Përfaqësueses së Perusë.

Përfaqësuesja e Perusë ka zbarkuar në Madrid ku do të zhvillojë një ndeshje miqësore sot me Marokun në stadiumin Wanda Metropolitano të Atletico Madridit.

Por një skandal ka ndodhur teksa futbollistët e Përfaqësueses së Perusë janë përleshur me policinë spanjolle para hotelit ku po qëndronin.

Teksa futbollistët ishin duke u përshëndetur me tifozët e tyre, autoritet spanjolle ndërhynë dhe nga ky moment nisi përleshja me futbollistët amerikano-latinë që kundërshtuan forcat e rendit, shkruan telegrafi.

Si pasojë u arrestua portieri 33-vjeçar i kombëtares peruane, Pedro Gallese/

? Peru players clash with Spanish police in Madrid. ??‍♂️??

pic.twitter.com/96Swv9b3Yo

— Football Tweet ⚽ (@Football__Tweet) March 27, 2023

Ky i fundit përfundoi në stacionin e policisë në Madrid, aty ku pas disa minutash situata u qartësua dhe portieri u la i lirë.

Marca ka raportuar së gjithçka nisi pasi policia spanjolle nuk i ka njohur futbollistët e Perusë dhe i ka ngatërruar ata me tifozët.

Portieri Gallese u shpreh më pas se shokët e tij kërkuan vetëm të përshëndesnin tifozët e pranishëm, por policia ndërhyri duke i goditur ata.

Ndërkohë ka reaguar edhe Federata e Futbollit të Perusë që theksoi mbështetjen e saj për portierin Gallese, ndërsa sqarojnë se janë të gatshëm të bashkëpunojnë me autoritetet për zbardhjen e plotë të ngjarjes.

Peru players clash with Spanish police ahead of game against Morocco in Madrid.#Morocco #Peru #Spain #Police #Madrid#HespressEng pic.twitter.com/bsW80j7GvD

— Hespress English (@HespressEnglish) March 27, 2023