Ad Banner
Ad Banner
Ad Banner
Ad Banner

Shuhet legjenda braziliane

13:00 | 6 Janar 2024
E.G

Legjenda e futbollit brazilian, Mario Zagallo ka ndërruar jetë në moshën 92 vjeçare.

Lajmi është bërë i ditur nga mediet e huaja.

Zagallo ishte lojtari i vetëm që kishte fituar katër tituj kampion bote fillimisht si lojtar dhe më pas si trajner i Brazilit.

“Me pikëllim të madh ju njoftojmë për vdekjen e kampionit tonë të përjetshëm katër herë të botës, Mário Jorge Lobo Zagallo”, thuhet në një deklaratë të shkurtër të publikuar në rrjetet sociale.

Kujtojmë se Zagallo si lojtar kishte fituar dy trofe, në 1958 në Suedi dhe në 1962 në Kili.

Si trajner më pas udhëhoqi kombëtaren e Brazilit drejt titullit suprem në 1970 në Meksikë dhe ishte ndihmës trajner gjatë kurorëzimit të vitit 1994 në Shtetet e Bashkuara.

Ai u bë sërish trajner në vitin 1998, kur Brazili i Ronaldos humbi 3-0 në Stade de France kundër Bluve të kapitenit Didier Deschamps./rtk/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm