Ndeshja e Superligës së Kosovës në futboll ndërmjet Ballkanit e Dritës është shtyrë.

Federata e Futbollit të Kosovës ka vendosur ta aprovoj kërkesën e Kampionit të Kosovës për shtyrjen e ndeshjes, e cila ka qenë në program të zhvillohet më datë të dielën, shkruan Arbresh.info.

“Komisioni Garave e ka aprovuar kërkesën e FC Ballkani, që ndeshjen e javës së 3-të të Albi Mall Superligë, ndërmjet FC Drita – FC Ballkani, e cila ka qenë në program të zhvillohet më datë 27.08.2023, ta shtyjë për një datë tjetër, për arsye të interesit të futbollit të Kosovës, ngase FC Ballkani më 24 dhe 31 gusht i zhvillon ndeshjet e rëndësishme të “play-off”-it kundër Bate Borisovit për kualifikime në fazën e grupeve në UEFA Conference League”, thuhet në njoftim.

Skuadra nga Suhareka do të vazhdojë aventurën Evropiane, të enjten ku do të përballet me BATE në “Fadil Vokrri”./Arbresh.info/