Golat nga Lionel Messi dhe Paulinho ndaj Athetlic Bilbaos i kanë siguruar tri pikë të plota skuadrës së Ernesto Valverdes.

Barcelona ka regjistruar fitore me rezultat 0 me 2 në ndeshjen e xhiros së dhjetë në La Liga të zhvilluar ndaj Athletic Bilbaos në San Mames, shkruan portali arbresh.info. Gjiganti katalunas vazhdon sezonin e tyre si të pamposhtur deri tani me vetëm një barazim.

Lionel Messi realizoi gol të bukur në minutën e 36′ pas disa kombinimeve të jashtëzakonshme nga “Blaugranët”. Sulmuesi argjentinas shënoi pas asitimit nga Jordi Alba.

30-vjeçari kishte goditur shtyllën në minutën e 21′ në këtë takim pasi kaloi mbrojtjen dhe portierin Kepa Arrizabalaga por që befasisht dështoi për të finalizuar gjithçka në mënyrën e duhur.

Nikoqirët krijuan presion të vazhduam duke kërkuar barazimin, por skuadra e Ernesto Valverdes ishte mjaftueshëm e fokusuar duke mos lejuar të ndodhë diçka e tillë dhe më pas ndëshkoi skuadrën sërish skuadrën e Cuco Zigandas duke realizuar për 0 me 2 në minutën e dytë të kohë kohës shtesë përmes Paulinhos.

Barcelona tani ka 28 pikë në krye të tabelës, katër më shumë se Valencia në pozitën e dytë dhe tetë më shumë se Real Madridi në pozitën e tretë para ndeshjes ndaj Gironas./arbresh.info/