Sulmuesi Shend Kelmendi do ta vazhdojë karrierën në Kategorinë Superiore Shqiptare te Skënderbeu i Korçës.

Burime të Gazetaolle.com pranë futbollistit, bëjnë me dije se ai tashmë ka arritur marrëveshje me klubin shqiptar.

Kelmendi ditë më parë u injorua duke u larguar nga klubi ku u rrit, Prishtina që nuk ia vazhdoi kontratën.

Ndryshe, Kelmendi edhe më parë është kërkuar nga Skënderbeu, mirëpo Prishtina kërkoi dëmshpërblim për ta liruar.

Prishtina kërkoi 200,000 euro nga Skënderbeu për Shend Kelmendin, madje kërkuan edhe 20 për qind të kartonit të tij.

Tani pas dy viteve klubi i Prishtinës e lë të lirë njërin ndër futbollistët më të talentuar në futbollin kosovar.

Kujtojmë se Skënderbeu ka kaluar dy ture në Ligën e Evropës derisa këtë garë do ta vazhdojë ndaj Mlado Bolesvalit të Çekisë.