Rrahmani e merr lejën e punës, mund të debutojë nesër me Rapidin

15:55 | 24 Gusht 2023
KRG

Albion Rrahmani më në fund mund ta shijojë debutimin me ekipin e tij të ri, Rapid Bukureshti.

Sulmuesi kosovar iu bashkua klubit rumun në fillim të gushtit, por s’ka debutuar ende shkaku se i mungonin letrat e punës.

Por, ish-futbollisti i Ballkanit tash është në rregull me dokumentacion dhe klubi rumun ka njoftuar se përfaqësuesi kosovar do të jetë në dispozicion të trajnerit në ndeshjen e nesërme kundër Universitatea Craiova.

“Koha e debutimit po afron. Albioni është pjesë e ekipit që udhëton për në Craiova”, njoftoi Rapidi në rrjetet sociale.

Klubi rumun e bleu futbollistin kosovar për 600 mijë euro dhe Rrahmani është transferi i dytë më i shtrenjtë i Rapid Bukureshtit në këtë afat kalimtar.

Ylli kosovar është i vendosur për t’i shfaqur vlerat e tij dhe për ta pasur një sezon të suksesshëm, si në nivelin personal, ashtu edhe në atë ekipor.