Ylli i Juventus-it, Cristiano Ronaldo synon të dominojë në Itali, Evropë dhe në botë në sezonin e tretë me “Bianconerët”.

Ka pasur raportime që portugezi mund të transferohet të gjiganti francez PSG, mirëpo reprezentuesit e lojtarit i kanë hedhur poshtë këto spekulime, transmeton portali arbresh.info.

Ronaldo do vazhdojë të jetë me “Zonjën e Vjetër”, ndërsa ka thënë se synon të dominojë në Itali, Evropë dhe botë.

“Derisa jam duke vazhduar sezonin e tretë si ‘Bianconerët’, shpirti dhe ambiciet e mia janë të larta. Gola, fitore, dedikim dhe profesionalizëm”.

“Me gjithë fuqinë time, me ndihëm e bashkëlojtarëve dhe gjithë stafin e Juventus-it, jemi duke punuar që të dominojmë në Itali, Evropë dhe botë”.

“Thyerja e rekordeve. Fitimi i titujve dhe arritja e qëllimeve personale. Të bëj më shumë. Të arrijmë më lartë dhe të kemi sukses në gjitha sfidat”, ka shkruar Ronaldo në Instagram.

Edicionin e kaluar, Ronaldo shënoi 37 gola në të gjitha garat./arbresh.info.