Në një intervistë për “El Larguero”, ish-sulmuesi i Brazilit, Ronaldo Nazario, ka thënë se beson se kalimi i Neymarit në Real Madridi do të ishte praktikisht i pamundur.

Pas eliminimit të Paris Saint-Germainit nga Liga e Kampionëve në duel me Real Madridin, mediat botërore filluan të spekulonin se ylli brazilian do t’i bashkohej Madridit.

Megjithatë, Ronaldo nuk beson se një gjë e tillë është e mundur.

“Kam dëgjuar shumë të flitet për Neymarin dhe Real Madridin, por mendoj se do të ishte vërtet shumë i vështirë transferimi i tij. PSG-ja bëri shumë para për të”, ka thënë Ronaldo.

“Duket shumë e komplikuar të mendosh se Neymar mund të luajë për Real Madridin një ditë. Tani për tani, mendoj se është e pamundur. Mbase pas disa viteve.. ai është ende i ri, por tani është e pamundur”, shtoi ai.