Rikthehen bisedimet Leao-Milan për çështjen e rinovimit të kontratës.

Portugezi ka formuluar një kërkesë të re, ndaj duhen financime të menjëhershme nga drejtuesit e klubit për të kuptuar nëse mund të arrihet në një zgjidhje pozitive.

Maldini e Massara janë takuar me familjarët e lojtarit, pa praninë e menaxherëve. Leao ka kërkuar një kontratë 5-vjeçare me një përfitim prej 7,5 milion euro në sezon, me një shtesë prej 2 milion euro pas hedhjes së firmës.

Paralelisht mbetet çështja e dëmshpërblimit që Milan e Lilla duhet t’i paguajnë Sporting Lisbona. Vlen për t’u theksuar se shuma që i duhet paguar klubit portugez tashmë është rritur. Kjo sepse avokatët e klubit francez kanë marrë një kërkesë nga Lisbona, që parashikon një shumë prej 40 milion euro për zgjidhjen e kontratës së portugezit.

Në këtë rast Sporting do të kënaqej me 21 milion euro për të mbyllur historinë në të gjitha drejtimet. Por kjo zgjidhje për drejtuesit e klubit kuqezit është me të vërtetë shumë e ndërlikuar. Tani Maldini e Massara janë në pritje të miratimit të kësaj marrëveshje, nga ana e Gerry Cardinales.

Të ardhurat e fituara nga kualifikimi në çerekfinalet e Ligës së Kampioneve mund të bëjnë punë për të mbyllur këtë marrëveshje.