Kanë përfunduar të gjitha ndeshjet e xhiros së shtatë në Ligën e Parë të futbollit kosovar, ku pati rezultat befasuese.

Në duelin e vetëm të zhvilluar dje Vushtrria pësoi disfatë nga Tefik Çanga me rezultat 2-1, shkruan Arbresh.info.

Gjatë ditës së sotme janë zhvilluar edhe tetë ndeshje, ku me rëndësi të veçantë ishin dy sfidat derbi mes Vëllaznimit dhe Trepçës ‘89, si dhe Lirisë me Feronikelin ’74. Të dy këto takime nuk prodhuan fitues.

Trepça shënoi një fitore të madhe me rikthim nga 2-0 në 3-2 në udhëtim tek Kika. Fitore kjo që e ngrit në tabelën gjigantin mitrovicas.

Fitore të rëndësishme shënoi edhe Dinamo ndaj Istogut me rezultat 2-0. Suhareka gjithashtu triumfoi 3-1 ndaj Prizrenit.

Vjosa mposhti KEK-un me rezultat bindës 3-0. Kurse, tek fitorja u kthye edhe Rilindja 1974 e Faruk Statovcit që triumfoi ndaj 2 Korrikut me rezultat 2-1.

Pas shtatë xhirosh në tabelë prinë Vëllaznimin me 17 pikë, një më shumë se Tefik Çanga që është i dyti. Vendin e tretë e zë Dinamo me 15 sosh, kurse Trepça dhe Feronikeli ’74 ndajnë pozitat 4 dhe 5 me nga 14 pikë.

I fundit në tabelë pa pikë është 2 Korriku.

Xhiroja e tetë e Ligës së Parë do të luhet ditën e shtunë./Arbresh.info