Real Madridi në stërvitje në mungesë të emrave të mëdhenj

15:33 | 25 Tetor 2017
Arbresh Info

Në mungesë të yjeve të skuadrës startuese, Zinedine Zidane mori detyrën për të udhëhequr një grup të lojtarëve dytësor dhe lojtarëve të rinj të Real Madridin në seancën e fundit stërvitore.

Një ditë pushim iu është dhënë yjeve si Karim Benzema, Marcelo, Sergio Ramos, Cristiano Ronaldo, Toni Kroos, Luka Modric, Casemiro dhe Iscos, transmeton portali arbresh.info.

Kjo ka lënë lojtarët e Castillas si Alvaro Tejero, Manu Hernando, Luismi Quezada, Cristo Gonzalez, Oscar Rodriguez dhe Franchu nën urdhrat e trajnerit të klubit kryesor së bashku me portierin e skuadrës Juvenil A, Moha Ramos.

Lojtarët tjerë si Dani Carvajal, Keylor Navas dhe Mateo Kovacic vazhduan programet e tyre për rikuperim nga lëndimi, ndërsa Gareth Bale është stërvitur i vetëm pa top./arbresh.info/