Real Madridi shpreson se ata mund të mposhtin skuadrën e Barcelonës për nënshkrimin me yllin e PSG-së, Neymar.

Real Madridi është duke planifikuar prezantimin e Neymar javën e ardhshme në rast se ata rezultojnë të suksesshëm për mposhtjen e Barcelonës për shërbimet e yllit të PSG-së, transmeton portali arbresh.info.

Dy titanët në La Liga aktualisht janë duke luftuar në garën për 27 vjeçarin, i cili kërkon gjithsesi largimin nga klubi në Parc des Princes.

Preferenca e Neymar mendohet të jetë rikthimi te ish skuadra e Barcelonës, por Real Madridi është duke i bërë shumë presion atij për nënshkrimin me të si pasojë e dështimit për të nënshkruar me Paul Pogban e Manchester United.

Dhe gazeta katalunase SPORT thotë se Real Madridi shpreson të prezantoj Neymarin si galaktikun e tyre të fundit javën e ardhshme./arbresh.info/