Super agjenti, Mino Raiola i cili prezanton shumë klientë ndër ta edhe Matthijs de Ligt, zbuloi arsyen pse ky i fundit refuzoi Barcelonën dhe u transferua në Juventus.

De Ligt pas një sezoni të mrekullueshëm me Ajaxin, kishte oferta nga gjigantë evropian duke përfshirë Barcelonën dhe PSG-në, transmeton portali arbresh.info.

Mirëpo, holandezi vendosi t’i bashkohej “Zonjës së Vjetër”, ndërsa agjenti i tij ka thënë se Barcelona nuk është sjell mirë me lojtarin.

“Barcelona mendoi se pasi De Jong u transferua edhe De Ligt do transferohet gjithashtu. Ishte trajtuar si një pjesë e djathit. Arsyet pse e donin ishin të këqija. A mendoni që një lojtar si Pique do lejonte vend për të”

“Në Holandë besuan se Barcelona është klub holandez dhe jo i huaj, e shikonin transferimin si të duhur. De Ligt nuk është i interesuar për para, vetëm dëshiron të luajë”

“Juve e dëshironte nga viti i kaluar, por Ajax kërkoi që të qëndronte. Juventus ishte zgjedhja e parë, ndërsa interesimi i klubeve si PSG dhe Barcelonë ishin befasi”

De Ligt te “Zonja e Vjetër” është duke luajtur në formacionin e parë pasi kapiteni Gergio Chiellini është i lënduar dhe do mungojë për një kohë të gjatë./arbresh.info.