Bersant Celina është duke u përgatitur për një sezon në formë huazimi në Championship pas një viti të suksesshëm të kaluar gjithashtu si një i huazuar te skuadra holandeze në Eredivisie FC Twente sezonin e kaluar.

Queens Park Rangers (QPR) është njëri nga klubet e shumta nga Championship që janë të interesuar për transferimin e yllit kosovar të Manchester Cityt, Bersant Celinës, transmeton portali arbresh.info.

Sipas një raporti nga ‘Manchester Evening News’, Celina është duke u përgatitur për një sezon në formë huazimi në Championship pas një viti të suksesshëm në FC Twente. 20-vjeçari, i cili përshkruhet si një mesfushor kreativ, ka përfaqësuar Norvegjinë në nivelin e të rinjve para se të zgjedhte për të përfaqësuar Kosovën.

Ai vlerësuar lartë nga trajneri Pep Guardiola dhe besohet se do të jetë pjesë e skuadrës së Manchester Cityt për ndeshjet para-sezonale para transferimit. Ashtu si QPR, klubet e tjera në Championship si Bolton Wanderers, Ipswich Town dhe Leeds United thuhet se janë gjithashtu të interesuara.

Celina ka bërë 28 paraqitje sezonin e kaluar te FC Twente duke shënuar pesë herë dhe duke krijuar pesë asistime./arbresh.info