Është publikuar kalendari për edicionin 2022/23 në elitën e futbollit anglez  Premier League.

Sezoni i ri në Angli do të fillojë më 5 gusht, derisa java e parë do të luhet në tri ditë, edhe më 6 dhe 7 gusht.

Ndeshja e parë e edicionit të ri do të zhvillohet në Londër, ku Crystal Palace do të përballet të premten me Arsenalin.

Kampioni në fuqi i Anglisë, Manchester City do ta nis mbrojtjen e titullit në Londër ku përballë do ta ketë West Ham Unitedin.

Manchester United luan ndeshjen e parë në shtëpi ndaj Brighton, derisa Chelsea përballet me Evertonin.

Derbi më i madh anglez mes Manchester United dhe Liverpool do të zhvillohet më 20 gusht në kuadër të xhiros së tretë në Old Traford.

Më 17 shtator zhvillohet dueli mes Chelseat dhe Liverpoolit në Stamford Bridges, derisa më 1 tetor derbi i Manchesterit mes Cityt e United. /arbresh.info/