PSV arriti një fitore të madhe në “Anfield Road” duke e mposhtur 4-1 Liverpoolin në ndeshjen e pestë të Ligës së Kampionëve.

Skuadra holandeze kaloi e para në epërsi që në minutën e 6-të, kur Ivan Perisic u tregua i saktë nga pika e bardhë, duke mposhtur portierin Mamardashvili me një goditje të fuqishme në të djathtë.

Avantazhi i PSV-së zgjati pak, pasi në minutën e 16-të Dominik Szoboszlai shfrytëzoi një top të kthyer dhe e çoi në rrjetë, duke barazuar rezultatin në 1:1.

Liverpool ishte pranë përmbysjes vetëm pak çaste më vonë, kur Cody Gakpo gjuajti nga distanca dhe e detyroi portierin Kovar të ndërhyjë me një pritje fantastike.

Ndërkohë, Virgil van Dijk goditi traversën në minutën e 32-të pas një kërcimi të fuqishëm nga këndi, duke humbur mundësinë për të kaluar të tijtë në epërsi.

PSV rifitoi avantazhin në pjesën e dytë, kur Guus Til në minutën e 56-të u gjend në vendin e duhur brenda zonës dhe e dërgoi topin në rrjetë për 1:2.

Skuadra holandeze vazhdoi presionin dhe në minutën e 73-të Couhaib Driouech shënoi golin e tretë, duke përfituar nga një top i kthyer në zonë dhe duke e dërguar saktë në cepin e portës për rezultatin 1:3.

PSV shënoi edhe golin e katërt në minutën e parë shtesë me Driouech.

Me këtë fitore të holandezëve, Liverpoolit iu thellohet edhe më shumë kriza. Derisa falë këtyre tri pikëve PSV ngritët në pozitën e 14-të me tetë pikë, kurse Liverpooli është i 12-ti me nëntë sosh./Arbresh.info