Çështja e Neymar te PSG ka nisur të bëhet e pakuptueshme dhe njëkohësisht edhe e çuditshme.

Derisa drejtori sportiv Leonardo e pranon se negociatat për largimin e brazilianit mund të zhvillohen me klubet si Real Madridi, Barcelona ose Juventus, Thomas Tuchel dëshiron të vendos në formacionin startues superyllin në ndeshjen e së dielës kundër Toulouses – takimi i xhiros së tretë në Liga 1, transmeton portali arbresh.info.

Trajneri gjerman, i cili tashmë ka diskutuar rreth vendimeve për metodat dhe taktikat e tij, vjen pas humbjes së tri pikëve ndaj Rennes dhe është në dijeni se Neymar do të përmirësonte skuadrën e tij.

Derisa kanë mbetur edhe 11 ditë deri në mbylljen e afatit kalimtar të transferimeve, PSG dëshiron të rikuperoj shumën prej 222 milionë euro të paguar për të te Barcelona në verën e vitit 2017.

Por, vendimi për të vendosur në formacionin startues reprezentuesin e Brazilit qëndron në dorën e presidentit Al Khelaifi dhe Leonardos.

Pra, Neymar nuk do të luaj të dielën për PSG-në derisa e ardhmja e tij të zgjidhet./arbresh.info/