Paris Saint-Germain është në telashe të mëdha me superyllin e tyre brazilian, Neymar Jr.

Gjiganti francez theu rekordin botëror duke e transferuar Neymarin nga Barcelona, për shumën e 220 milionë eurove, por gjatë gjithë kohës ai është lidhur me një largim nga Parc des Princes.

Sipas mediave në Spanjë, Neymar do të jetë lojtar i Real Madridit dhe PSG e ka përdorur si urë kaluese më të lehtë për transferimin e tij në Santiago Bernabeu.

Po ashtu, ish ylli i Barcelonës është lidhur edhe me një kalim te Manchester United, pasi që klubi anglez dhe Jose Mourinho janë të gatshëm të pagujnë çmimin e vendosur nga klubi francez.

Megjithatë, presidenti arab i klubit, Nasser Al – Khelaifi dhe drejtori i klubit, Angelo Henrique, kanë udhëtuar për në Brazili këtë javë që të bisedojnë me 26 vjeçarin, se si ta mbajnë të lumtur.

Raportohet se ata i kanë thënë Neymarit se nuk do të pranojnë asnjë ofertë nga Real Madridi apo Manchester United, në asnjë kusht të mundur.

Flitet se babai i Neymarit, që është edhe agjenti i tij, është kontaktuar nga Florentino Perez për një transferim të mundshëm në Real Madridi, por ende diçka konkrete nuk është zhvilluar. /arbresh.info/