Sulmuesi i Salzburg në Bundesligën austriake, Karim Adeyemi, është një nga senzacionet e futbollit evropian këtë sezon.

Shumë skuadra të njohura evropiane kanë shprehur interesim për të fituar shërbimet e yllit të ri.

Një nga to është edhe PSG, e cila është tejet e interesuar për sulmuesin gjerman pasi po shihet si zëvendësuesi ideal i Kylian Mbappes që pritet të largohet verën e ardhshme drejt Real Madrid.

Adeyemi ka shënuar 14 gola në 20 ndeshje deri tash këtë sezon dhe niveli i tij i lartë i lojës ka rënë në sy të Real Madrid, Bayern Munchen e Borussia Dortmund gjithashtu, me këta të fundit të cilët janë të gatshëm të bëjnë një sforcim ekonomin vetëm për të siguruar shërbimet e tij.

Këtë të diel, drejtori sportive i verdhezinjëve, Michael Zorc nuk e ka fshehur dëshirën e tij për të “rrëmbyer” yllin e Salzburg.

“Nuk është sekret që ai është një lojtar i mirë. Por kjo është gjithçka që mund t’iu them sot”, është shprehur Zorc.

Blerja e Adeyemi është paraqitur si mundësi e mirë edhe për Bayernin, ku sipas “Sport1”, skuadra bavareze janë të gatshëm të ofrojnë shuma të larta për shërbimet e tij.

Sulmuesi gjerman ka kontratë me Salzburgun deri në vitin 2024, por Borussia Dormtund tashmë ka filluar të punojë për të nënshkruar me të që në verën e ardhshme./Arbresh.Info