Prishtina ka barazuar në takimin e zhvilluar në udhëtim kundër Europa FC.

Skuadra kosovare ka barazuar me rezultat 1 me 1 në ndeshjen e parë në udhëtim te Gjibraltari të zhvilluar mbrëmjen e sotme (e enjte) në kuadër të para-kualifikimeve në Evropa Ligë, shkruan portali arbresh.info.

Klubi prishtinas pranoi gol në minutën e fundit të kohës së rregullt të pjesës së parë pasi Armend Dallku shkaktoi penalti. Sulmuesi Enrique Carreno ishte i saktë me goditjen nga pika e bardhë duke zhbllokuar ndeshjen.

Mirëpo, Prishtina barazoi gjithçka vetëm tre minuta pas fillimit të pjesës dytë. Meriton Korenica barazoi shifrat për 1 me 1 me një supergol nga gjuajta e lirë nga një distancë prej 25 metrave.

Takimi i ardhshëm mes Prishtinës dhe Europa FC zhvillohet më 5 korrik në stadiumin “Adem Jashari” në Mitrovicë./arbresh.info/

https://www.dailymotion.com/video/x6n1pfu