Prishtina ka siguruar tri pikë të plota në ndeshjen derbi mbrëmjen e sotme (e enjte) kundër Dritës.

Skuadra nën udhëheqjen e Armand Dallkut ka fituar me rezultat 1 me 0 ndeshjen derbi kundër “Intelektualëve” në takimin e zhvilluar në kuadër të xhiros së 11-të në Ipko Superligë, shkruan portali arbresh.info.

Nikoqirët dominuan plotësisht gjatë gjithë ndeshjes, por golin e epërsisë e gjetën në minutat e fundit të kësaj përballje mjaftë të rëndësishme.

Ishte mbrojtësi Armend Thaçi që dërgoi topin në rrjetë në minutën e 82′ duke shënuar kështu edhe golin e fitores ndonëse kishte edhe një rast shumë të mirë disa sekonda më vonë në një përballje direkte me portierin.

Gjatë pjesës së parë rasti më i mirë ishte në minutën e 16′ duke goditur transversalen pas një rasti të krijuar me ekzekutimin e një goditje nga rivënia këndore.

Me këtë fitore, Prishtina qëndron në pozitën e katërt me 20 pikë, një më pak se Drita në pozitën e tretë me një pikë më shumë./arbresh.info/

Pamje gjatë ndeshjes: