Përballja mes rivalëve të vjetër, është përshkruar më lojë mesatare, ndërsa ishin mysafirët të parët që kaluan në epërsi me anë të Alban Shillova në minutën e 63-të, ndërsa një pikë prishtinasve ua siguroi koreani Park Sung në minutën e 69-të duke shënuar një super gola, transmeton KosovaPress.

Imazhi i këtij derbi u prish në fund të ndeshjes, ku u krijua një tollovi, kur futbollistët e Prishtinës protestuan ashpër, madje, në tollovin e krijuar nuk u kursye as gjyqtari anësor, i cili sipas nikoqirëve anuloi golin e rregullt.

Hajvalia ka vazhduar serinë e pozitive të rezultateve, duke mundur Istogun, me rezultat 1-0. Skuadra e Ismet Munishit me golin e Liridon Lecit në minutën e 79-të arkëtojë edhe tri pikë të mëdha në garën për kreun e tabelës. Hajvalia tani ka 12 pikë dhe ngjitet në pozitën e katërt, kurse Istogu mbetet në vendin e fundit me vetëm pesë gola.

Pikët e plota në këtë mesjave i ka arkëtuar edhe Vushtrria, e cila në “Ferki Aliu”, mundi Drenicën me golin e Mehmet Gerxhaliut në minutën e 78-të.

Ndërkaq, Feronikeli ka pësuar humbjen e tretë në këtë sezon të garave. Kampionët në fuqi janë mposhtur në udhëtim nga Llapi, me rezultat 1-0. Golin e fitores për llapjanët e ka shënuar Egzon Sinani në minutën e 40-të.

Pas kësaj fitore, Llapi arrin në kuotën e 11-të pikëve dhe zë vendin e pestë, kurse, “Nikeli” mbetet në pozitën e dytë më 15 pikë.

Besa dhe Gjilanin, në njërën ndër takimet kryesore të kësaj mesjave kanë ndarë pikët duke luajtur pa gola në “Shahin Haxhiislami” të Pejës.

Raiffeisen Superliga: Java e 8-të

Rezultatet

Besa –Gjilani 0-0

Llapi – Feronikeli 1-0

Prishtina – Drita 1-1

Hajvalia –Istogu 1-0

Vushtrria – Drenica 1-0

Të enjten takohen:

Trepça’89 – Liria

Tabela

1.Trepça ’89 17

2.Feronikeli 15

3.Gjilani 14

4.Vushtrria 12

5.Hajvalia 12

4.Besa 11

7.Llapi 11

8.Drita 9

9.Drenica 8

10.Liria 8

11.Prishtina 8

12.Istogu 5