Prishtina barazon në miqësore ndaj ekipit nga Kazakistani, Atyrau

21:57 | 26 Janar 2022

Prishtina barazon në ndeshjen miqësore me skuadrën nga Kazaikstani, Atyrau, me rezultat 2:2.

Në ndeshjen e zhvilluar në një nga fushat e kompleksit “Titanic” ku po qëndron skuadra prishtinase, u zhvillua lojë e hapur nga të dyja ekipet.

Prishtina kaloi e para në epërsi me ç’rast në minutën e 30, Endrit Krasniqi e shërbeu në të majtë Mendurim Hotin, i cili gjuan bukur drejt portës, teksa në tentim për ta larguar topin, një nga futbollistët kazak e dërgon në portë për 1:0,përcjell arbresh.info.

Atyrau i barazoi shifrat në 1:1 pesë minuta më vonë (35).

Prishtina golin e dytë e realizoi në minutën e 40 pas një aksioni briliant me shumë pasime.

Sërish Endrit Krasniqi asisoi, kësaj radhe për Lorik Boshnjakun e ky i fundit brenda zonës e dërgon topin në rrjetë për 2:1.

Kazakët në minutën e 50 të pjesës së dytë sërish i barazuan shifrat në 2:2.

Deri në fund të ndeshjes u regjistruan edhe disa raste për shënim, mirëpo rrjetat mbetën të paprekura deri në fund.

Kjo është miqësorja e dytë e Prishtinës në Antalia, pas humbjes në ndeshjen e parë nga Chernomorest Odesa (4:0).

Takimi i radhës kontrollues luhet më 27 janar (e enjte) ndaj ekipit polak Gornik.

Prishtina e drejtuar nga trajneri Abdulah Ibrakoviq në bregdetin turk po qëndron tash e nëntë ditë.

𝗙𝗖 𝗣𝗿𝗶𝘀𝗵𝘁𝗶𝗻𝗮: Nika, Mankenda, B. Krasniqi, Pllana, Mici, Boshnjaku, Karabeci, E. Krasniqi, Hoti, Kryeziu, John. Trajner: Abdulah Ibrakoviq.

𝐔 𝐚𝐤𝐭𝐢𝐯𝐢𝐳𝐮𝐚𝐧 𝐞𝐝𝐡𝐞: Zeka, Shabani, Cenaj, Tolaj dhe Mone.

Shpërndaje në rrjete sociale

Lajmet më të lexuara