Kampioni i Kosovës dhe fitues i Kupës së Kosovës në futsall, Prishtina 01 ka mësuar tashmë kundërshtarët e tij për fazën Main Raund të Ligës së Kampionëve në futsall.

Prishtina 01 është kualifikuar në “Main Round” në Ligën e Kampionëve për sezonin 2023/24, lë gjurmë në futsallin evropian, pasi kaloi me sukses në raundin preliminar.

Kampioni i Kosovës shkëlqeu në Grupin D, duke kaluar si lider i grupit me 7 pikë, pas dy fitoreve të thella ndaj Isbjorninn (11:1) dhe Utleiras (5:1), si dhe barazimit 1-1 me KSC Lubawa.

Pas kalimit të fazës preliminare, Prishtina 01 u kualifikua në Main Round dhe tashmë ka mësuar kundërshtarët për këtë fazë.

Kaunas Zalgirisit (Lituani), Kampuksen Dynamos (Finlandë) dhe Ael Limassol (Qipro) iu bashkuan skuadrës kryeqytetase.