Steven Zhang ka pak më shumë se 12 muaj kohë për të shlyer borxhin prej 275 milionë eurosh që i detyrohet fondit amerikan Oaktree, dhe presidenti i Interit ka një plan.

Nerazzurrët janë në një pozitë delikate financiare dhe është shkruar shumë për të ardhmen e tyre ekonomike, me raporte që sugjerojnë se klubi mund të gjejë investitorë pakicë, një blerës të mundshëm ose të shesë disa lojtarë të ekipit të parë gjatë verës.

Në maj të vitit 2021, Interi mori një hua prej 275 milionë eurosh nga fondi amerikan Oaktree, duke rënë dakord të kthente shumën përpara majit 2024.

?? Tra un anno scadrà il prestito concesso da Oaktree, ma Zhang sta lavorando al rifinanziamento del debito: i prossimi mesi saranno decisivi in questo senso. E ad oggi non c’è alcun compratore che si è spinto al punto di avviare una due diligence sull’Inter.

[@Gazzetta_it] pic.twitter.com/7CpLkZWVAD

— Gianmarco✍? (@GianmarcoDaria) April 29, 2023

“Projekti ynë do të fokusohet në fitore”, Steven Zhang siguron që Interi do të vazhdojë të fitojë
Me pak më shumë se një vit deri në afatin përfundimtar, tifozët kanë filluar të shqetësohen gjithnjë e më shumë.

Sipas La Gazzetta dello Sport, Zhang nuk është i interesuar të shesë Interin dhe kështu ka zhvilluar një plan për të zgjidhur borxhin prej 275 milionë eurosh me Oaktree.

Presidenti i Nerazzurrëve ka qenë në kontakt të ngushtë me Goldman Sachs dhe po kërkon të ri-financojë borxhin, një lëvizje e ndërlikuar por e rëndësishme që do të ndihmojë në zgjidhjen e situatës.

Nëse borxhi nuk ri-financohet dhe Zhang dështon të paguajë Oaktree, fondi amerikan do të jetë në gjendje të marrë përsipër aksionet e klubit. /Telegrafi/