Florian Wirtz definitivisht nuk do të largohet nga Bayer Leverkusen për te Bayern Munich.

Reprezentuesi gjerman thuhet se ka arritur tashmë një marrëveshje me Liverpoolin.

Lojtari i Bayer Leverkusen nuk do të shkojë te Bayern Munich, siç konfirmoi presidenti Herbert Hainer.

“(Drejtori sportiv i Bayernit) Max Eberl më ka informuar se Florian Wirtz ndoshta po anon nga Liverpooli. Nuk mund të them se çfarë do të ndodhë me Leverkusenin”, deklaroi presidenti i Bayernit, Herbet Hainer sipas gazetës Abendzeitung.

Nëse kampionët anglezë arrijnë të bien dakord për tarifën e kërkuar të transferimit prej 150 milionë eurosh me Bayer, Wirtz do të luajë në Ligën Premier në vend të Bundesligës.

Kontrata e tij me Leverkusenin është ende e vlefshme deri në verën e vitit 2027.

Sipas raportimeve të vazhdueshme të medias, vetë lojtari thuhet se ka rënë dakord për një transferim me Reds pas bisedimeve të mira me trajnerin e Liverpoolit, Arne Slot. /Telegrafi