Presidenti i Atletico Madridit, Enrique Cerezo thuhet se është larguar nga objektet e stadiumit duke e quajtur VAR-in një ‘turp’ pas anulimit të golit të Alvaro Moratas kundër Juventusit.

VAR-i ka vendosur që goli i Moratas të anulohet pas thuhet se kanë parë një ndërhyrje të palejuar të sulmuesit dnaj mbrojtësin e Juventusit, Giorgio Chiellini.

Mediumit Movistar + pretendon se Cerezo u frustrua gjatë ndeshjes në një dhomë pritjeje në Wanda Metropolitano.

“Ai u largua nga dhoma e tij dhe bëri komente kundër VAR-it”, ka thënë fillimisht Movistar dhe gazetarja Monica Marchante.

“Ai shikonte golat në TV. Ishte i zemëruar. Në fund të ndeshjes, ai vazhdoi të thoshte: ‘Më lejoni t’ju them, është një turp [poshtërim]’”.

Gazeta AS shkruan se 70-vjeçari gjithashtu kritikoi VAR-in para ndeshjes së parë të Ligës së Kampionëve, të cilat Atletico e fitoi 2-0.

“Para VAR-it, kishte një problem. Tani ka dy probleme… “, citon gazeta spanjolle.

Ndryshe, ndeshja kthyese ndaj Juventusit zhvillohet pas tri javëve dhe Atletico udhëton në Torino me një rezultat shumë pozitiv.