Trajneri i Lazios, Simone Inzaghi është duke studiuar opsionet më të mira për të ndalur Cristiano Ronaldon dhe bashkëlojtarët e tij.

Në mbrojtje, Luiz Felipe qëndron jashtë linjave, gjë që ka shtyrë Inzaghin të zgjedh mes Martin Caceres, Wallaces dhe Bastos, transmeton portali arbresh.info.

Mbrojtësi nga Angola tashmë ka rrëmbyer pozitën startuese të brazilianit kundër Napolit, por për shkak se Caceres e njeh mjaftë mirë Juventusin, pasi ka shpenzuar dy sezone te “Zonja e Vjetër”, mund të jetë startues në këtë ndeshje.

Strategu i ‘Biancocelestit’ mund të startoj gjithashtu me Milan Badeljin dhe Lucas Leivan në front të mbrojtjes, për të krijuar një mur të pathyeshëm në stadiumin e Juventusit.

Ndeshja mes Juventusit dhe Lazios zhvillohet të shtunën duke filluar nga ora 18:00./arbresh.info/