Philippe Coutinho është rikthyer në stërvitje te Liverpooli pas ndeshjeve me skuadrën kombëtare dhe ylli i Brazilit dukej në disponim të mirë derisa po largohej nga Melwood këtë pasdite.

Coutinho ka qenë subjekt i një numri të madh spekulimesh këtë verë pasi Barcelona kërkonte transferimin e tij si një zëvendësues të Neymarit, transmeton portali arbresh.info.

Liverpooli arriti të mbajë në klub futbollistin e tyre pavarësisht ofertës prej 183 milionë funta që ishte shtruar në ditën e fundit të afatit kalimtar.

Mesfushori është rikthyer tani në stërvitje, ku përpiqej për tu riintegruar me të gjithë skuadrën.

25-vjeçari është parë duke qeshur me bashkëlojtarët gjatë seancës së tij të parë stërvitore.

Coutinho ka përshëndetur madje fotografët me një gjest si reperi i famshëm Drake në këngën e tij ‘Hotline Bling’ derisa po largohej për në shtëpi./arbresh.info/