Përveç Achraf Hakimit, Paris Saint-Germain ka humbur edhe dy lojtarë të tjerë për ndeshjen e fundjavës derbi ndaj Lyonit.

Fituesi i ‘Topit të Artë’, Ousmane Dembele ka pësuar dëmtim serish, ende pa u rikthyer mirë në formë pas atij lëndimi që e mbajti për afro një muaji jashtë, shkruan Arbresh.info.

Francezi ka pësuar dëmtim në pulpën e majtë, dhe pritet ta humbasë ndeshjen me Lyonin.

“Ousmane Dembélé ka pësuar një dëmtim në pulpën e majtë dhe për këtë arsye do të qëndrojë jashtë fushës duke marrë trajtim për disa javët e ardhshme.”

Po ashtu një humbje e madhe do të jetë edhe ajo e Nuno Mendesit, i cila ka probleme në gjurin e majtë.

“Nuno Mendes ka përthyer gjurin e majtë dhe, si pasojë, do të marrë gjithashtu trajtim gjatë javëve në vijim.”

“Një përditësim i mëtejshëm do të jepet pas përfundimit të pushimit ndërkombëtar”, thuhet ndër të tjera në njoftimin e PSG.

Nuk dihet se sa do të mungojnë Dembele e Mendes, do të mbetet të shihet pas pushimit me kombëtare.

Gjithashtu, Parisi po e vuan edhe mungesën e Desire Doues./Arbresh.info

Today’s medical update is on Achraf Hakimi, Ousmane Dembélé, Nuno Mendes and Désiré Doué.@Aspetar

🔗 https://t.co/ysAHjQyLWV pic.twitter.com/mIvsMcdtgj

— Paris Saint-Germain (@PSG_English) November 5, 2025