Mesfushori i Barcelonës, Rafinha do të shpenzojë gjashtë muaj jashtë fushe pas nënshtrimit të një operacioni në gjurin e majtë duke i dhënë fund sezonit te kampioni në La Liga.

Rafinha u inkuadrua si një zëvendësues në fushë gjatë barazimit 1 me 1 kundër Atleticos më 24 nëntor, por ditën tjetër Barcelona njoftoi se ai kishte probleme me ligamente në gjurin e tij të majtë, transmeton portali arbresh.info.

Braziliani nuk ka qenë gjithashtu aq i preferuar në klub për shkak se ka bërë vetëm gjashtë paraqitje në La Liga qysh pas rikthimit nga sezoni në formë huazimi te Interi edicionin e kaluar.

Kalimi i përkohshëm i lejoi atij të rikthej gjendjen e tij pas një tjetër lëndimi serioz që kishte pësuar në muajin prill të vitit 2017, i cili e mbajti atë për tetë muaj jashtë fushe.

Rafinha mungoi gjithashtu për gjashtë muaj në sezonin 2015/16 për shkak të lëndimit të ligamenteve./arbresh.info/

https://twitter.com/FCBarcelona/status/1069962472126341122