Manchester United ka fituar me shumë mund ndaj Leeds United me rezultat 4-2 në kuadër të javës së 26-të në Ligën Premier.

Pas 34 minutash lojë, Harry Maguire përfitoi nga një harkim nga këndi prej Luk Shaw, për të shënuar me kokë për 1-0.

Goli i dytë nuk vonoi shumë për mysafirët dhe u shënua nga Bruno Fernandes në minutat shtesë nga asistimi i Jadon Sanchos.

Pjesa e dytë filloi edhe më furishëm, pasi vendasit shënuan dy gola për një minutë.

Fillimisht, në minutën e 53-të, Rodrigoi pranoi një asistim nga Junior Firpo, për të realizuar për 1-0.

Raphinha në minutën e 54-të, u asistua nga Daniel James, për të shënuar për 2-2, duke hapur kështu sfidën edhe më shumë.

Mirëpo, fitoren e Unitedit e vulosi Fred, që realizoi në minutën e 70-të, me një asistim të Jadon Sanchos.

Deri në fund, Unitedi ia doli të shënonte edhe golin e katër me anë të Elangas në minutën e 88-të.

Pas javës së 26-të, Manchester United gjendet në vendin e katërt me 46 pikë, derisa në Xhiron e 27-të do të kenë punë me Watfordin.