Derbi mes Arsenalit dhe Chelseat solli 90 minuta tensioni, raste të shumta dhe një karton të kuq, në fund sfida u mbyll pa fitues me rezultat baras 1-1.

Momenti vendimtar i pjesës së parë ishte ai i minutës së 37-të, kur Moises Caicedo fillimisht u ndëshkua me të verdhë, por pas rishikimit të VAR-it, Anthony Taylor e anuloi kartonin e parë dhe i tregoi të kuqin direkt, duke e lënë Chelsean me dhjetë lojtarë.

Përkundër një lojtari më pak, Chelsea e nisi më mirë pjesën e dytë dhe kaloi në epërsi në minutën e 48-të, kur Trevoh Chalobah u shkëput në zonë pas një goditjeje nga këndi dhe me një goditje të saktë me kokë e dërgoi topin në rrjetë për 1:0.

Arsenali reagoi me kalimin e minutave dhe Mikel Merino riktheu ekuilibrat në minutën e 59-të. Bukayo Saka harkoi saktë nga krahu, ndërsa Merino u ngrit më lart se të gjithë dhe me një goditje të fuqishme me kokë e dërgoi topin në këndin e majtë, pa i dhënë asnjë mundësi Robert Sanchezit.

Deri në fund dy skuadrat tentuan për ta gjetur golin e fitores mirëpo asnjëra nga to nuk arriti ta shënoj. Kështu dy skuadrat morën nga një pikë.

Pas 13 ndeshjeve, Arsenali ka 30 pikë dhe është lider kurse Chelsea është i treti me 24 sosh./Arbresh.info