Pau Cubarsi ishte “fytyra tragjike” e ndeshjes së mbrëmshme ndaj Atletico Madridit të cilën Barcelona e humbi 0-2 në ‘Camp Nou’, sfidë e vlefshme për çerekfinalen e parë të Ligës së Kampionëve.

Ai u ndëshkua me karton të kuq në minutën e 43-të, derisa menjëherë nga ajo ndërhyrje, shënoi Julian Alvarezi nga goditja e lirë për 0-1, shkruan Arbresh.info.

Mbrojtësi spanjoll ka reaguar përmes një postimi në rrjetin social Instagram ku ka marrë përgjegjësinë për rezultatin dhe ka kërkuar falje.

“Një veprim i vetëm mund të përcaktojë rezultatin e një ndeshjeje dhe një çifti. Ky është futbolli dhe unë marr përgjegjësi të plotë për rezultatin”.

“Ka ende shumë rrugë për të bërë. Jemi më të bashkuar se kurrë. Jemi një familje dhe gjithmonë e kemi treguar këtë. Ecim përpara me këmbëngulje dhe vendosmëri. Nuk do të dorëzohemi kurrë”, ka shkruar Cubarsi.

 

View this post on Instagram

 

A post shared by paucubarsí (@paucubarsi)

Barcelona ndeshjen e kthimit e luan të martën në “Metroplitano”, ku kërkon ‘remuntadan’./Arbresh.info